ಪ್ರಸಕ್ತ ವರ್ಷದ ಮೇ ತಿಂಗಳಿನ ೧೧ ನೇ ತಾರೀಖಿನಂದು ಸಂಗಮ ಕನ್ನಡ ಸಂಘವು Vlasis Park ನಲ್ಲಿ ವಿಶ್ವ ಅಮ್ಮಂದಿರ ದಿನಾಚರಣೆಯನ್ನು ಅತ್ಯಂತ ಹರ್ಷೋಲ್ಲಾಸದಿಂದ ಆಯೋಜಿಸಲಾಗಿತ್ತು . ಈ ಕಾರ್ಯಕ್ರಮದಲ್ಲಿ ಸಂಗಮದ ಸದಸ್ಯರೆಲ್ಲ ತಮ್ಮ ಕುಟುಂಬದೊಂದಿಗೆ ಪಾಲ್ಗೊಂಡಿದ್ದು, ಆನಂದಭರಿತ ವಾತಾವರಣವನ್ನು ಉಂಟುಮಾಡಿತ್ತು. ತಾಯಂದಿರನ್ನು ಗೌರವಿಸುವ ನಿಟ್ಟಿನಲ್ಲಿ ಹಲವು ಬಗೆಯ ತಿಂಡಿ ತಿನಿಸುಗಳೊಂದಿಗೆ ನಾನಾ ಸಾಂಸ್ಕೃತಿಕ ಕಾರ್ಯಕ್ರಮಗಳು, ಆಟೋಪಾಟಗಳು ಹಾಗೂ ವಿಭಿನ್ನ ಮನರಂಜನೆಯ ಚಟುವಟಿಕೆಗಳು ನಡೆದವು.
ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯೆಂದರೆ ರುಚಿಕರವಾದ ದೋಸೆಯೊಂದಿಗೆ ವಿವಿಧ ಬಗೆಯ ಊಟ ಮತ್ತು ತಿಂಡಿಗಳ ಜೊತೆಗೆ ಕುಟುಂಬಗಳು ಒಟ್ಟಾಗಿ ಊಟ ಮಾಡುತ್ತಾ ಸಂತೋಷದ ಕ್ಷಣಗಳನ್ನು ಹಂಚಿಕೊಂಡವು. ಮಕ್ಕಳು ತಮ್ಮ ತಮ್ಮ ತಾಯಿಯಂದಿರಿಗೆ ಸಾಷ್ಟಾಂಗ ನಮಸ್ಕರಿಸಿ ಅಕ್ಷತೆ ರೂಪದಲ್ಲಿ ಆಶೀರ್ವಾದ ಪಡೆದದ್ದು ಮನಮುಟ್ಟುವ ಹಾಗು ಭಾವನಾತ್ಮಕ ಕ್ಷಣವಾಗಿತ್ತು.
ಒಟ್ಟಾರೆ, ಈ ಮದರ್ಸ್ ಡೇ ಕಾರ್ಯಕ್ರಮವು ಕೌಟುಂಬಿಕ ಬಾಂಧವ್ಯವನ್ನು ಬಲಪಡಿಸುವ, ತಾಯಿಯ ಮಹತ್ವವನ್ನು ಸಂಭ್ರಮದೊಂದಿಗೆ ಆಚರಿಸುವ ಅಮೂಲ್ಯ ಕ್ಷಣವಾಗಿ ಎಲ್ಲರ ಮನದಲ್ಲಿ ಸ್ಮರಣೀಯವಾಗಿರಿಸಿತು.